नेपाली क्रिकेट टोलीले केन्या सँग आज एक दिवसीय अभ्यास खेल खेल्दै

सैघाली खबर काठमाडौं,१७ मंसिर

युएईमा रहेको नेपाली राष्ट्रिय क्रिकेट टोलीले केन्यासँग आज एक दिवसीय अभ्यास खेल खेल्दै छ । विश्व क्रिकेट लिग च्याम्पीयन्सीपअन्तर्गत घरेलु टोली युएईसँग अन्तिम चरणको खेल खेल्न गएको नेपालले दोस्रो अभ्यास खेलमा केन्यासँग खेल्न लागेको हो ।

यसअघि हिजो भएको पहिलो अभ्यास खेलमा डिभिजन तीनको टोली अमेरिकासँग नेपाल ५ विकेटले पराजित भएको थियो । जारी विश्व क्रिकेट लिग च्याम्पीयन्सीपबाट नेपाल डिभिजन टू मा घटुवा भइसकेको छ । प्रतियोगिताको फाइनल पुग्न सके नेपालले एकदिवसीय विश्वकप क्रिकेटको छनोट प्रतियोगितामा स्थान पक्का गर्ने छ ।