काठमाण्डौँ, जेठ ११
नेपाल भारत सम्बन्धमा गरेको टिप्पणीलाई लिएर विवादमा तानिएकी अभिनेत्री वर्षा राउतले माफी मागेकी छिन्।
वर्षाले शनिवार आफ्नो फेसबुक अकाउन्टबाट लाइभ गर्दै नेपाल भारत सम्बन्धमा देखिएको विवादलाई दुई देशका पत्रकारहरुले उचालेको, झगडा उत्पन्न गराएको बताएकी थिइन्। दुई देशका अधिकारीले टेबल टक गर्नुपर्नेमा दुई देशका पत्रकारहरु झगडिँदा आफूले भारतीय मित्रसँग फेस गर्न गाह्रो परिरहेको उनको भनाई थियो।
यो अभिव्यक्तिलाई लिएर चौतर्फी आलोचना भएपछि वर्षाले आज विज्ञप्ति जारी गर्दै माफी मागेकी हुन्। उनले लाइभ बोल्दा जिब्रो चिप्लिएको भन्दै क्षमायाचना गरेकी छिन्।
उनले लिम्पियाधुरा, लिपुलेक र कालापानीलाई समेटेर सरकारले जारी गरेको नक्साको स्वागत गर्दै अब वार्तामा भूमि फिर्ता ल्याउनुपर्नेमा जोड दिएकी छिन्।
भारतीय मिडियाले दुई देशको सम्बन्धलाई विगार्न खोजेको उनको बुझाई छ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।