काठमाडौँ । काठमाडौँ उपत्यकासहित आसपासका क्षेत्रमा शुक्रबार बिहानैदेखि वर्षा भइरहेको छ ।
देशको पूर्वी तथा मध्य भूभाग लगायत पश्चिमी पहाडी भूभागहरुमा शुक्रबारको मौसम सामान्य बदली रही बाँकी भूभागमा आंशिक बदली रहने जल तथा मौसम पूर्वानुमान महाशाखाले जनाएको छ ।पूर्वी र पश्चिमी भूभागका केही स्थानहरु तथा मध्य भूभागका थोरै स्थानहरुमा मेघगर्जन, चट्याङ र हावाहुरी सहित वर्षाको सम्भावना रहेको मौसमविदले बताएका छन् ।
शुक्रबार राति पनि देशभर सामान्य बदली रहनेछ। देशका थोरै स्थानहरुमा मेघगर्जन, चट्याङ र हावाहुरीसहित वर्षाको सम्भावना रहेको छ।महाशाखाका अनुसार हाल नेपालको सुदूरपश्चिम, कर्णाली, गण्डकी, बागमती र प्रदेश ५ का केही स्थानहरुमा मेघगर्जन, चट्याङसहित वर्षा भैरहेको छ ।
उक्त प्रणाली पूर्वतिर सर्दै गरेको हुँदा सतर्कता अपनाउन पनि आग्रह गरिएको छ ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
