टेकबहादुर पुन/दाङ्ग
शनिबार लमहीमा आयोजित रक्तदान कार्यक्रममा ६५ जनाले रगतदान गरेका छन् ।
‘रक्तदान जीवन दान’ भन्ने नारा सहित भुगोल बचत तथा ऋण सहकारी सँस्था लमहीले रक्तदान कार्यक्रमको आयोजना गरेको थियो । बिश्वब्यापी रुपमा फैलिएको कोरोना भाईरसको महामारीमा रगत अभाब हुन नदिन सामाजिक दुरी कायम गर्दै बृहत् रक्तदान कार्यक्रमको आयोजना गरिएको सँस्थाका अध्यक्ष गँगाराम भट्टराईले जानकारी दिए ।
“देशमा लकडाउन भएसँगै सबै थप्प छन्, जसले गर्दा बिरामीहरु ब्लड बैँक जानसक्ने सम्भावना न्यून छ अध्यक्ष भट्टराईले भने-बिरामीका लागि रगत अभाव हुन नदिन र स्थानिय स्तरमै उपलब्ध गराउने उद्देश्यले रक्तदान कार्यक्रमको आयोजना गरेका हौँ ।”
यो भन्दा अघि जिल्लाका तुलसीपुर र घोराहीमा पनि रक्तदानका कार्यक्रमका आयोजना गरिएका थिए । रक्त सञ्चार केन्द्र घोराहीको प्राबिधिक सहयोगमा लमहीमा रक्तदानको आयोजना गरिएको हो ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
