रगत अभाव हुन नदिन लमहीमा ६५ जनाले रक्तदान गरे

ओमप्रकाश गुप्ता लमही १७ जेठ । कोरोना भाइरस तथा लकडाउनका कारण दाङमा रगत अभाव हुन नदिन दाङ देउखुरीको लमहीमा ६५ जनाले रक्तदान गरेका छन् । भुगोल बचत तथा ऋण सहकारी सस्था लमहीले आयोजना गरेको बृहत रक्तदान कार्यक्रममा ६५ जनाले रक्तदान गरेका हुन् । संस्थाका अध्यक्ष गंगाराम भट्टराईको अध्यक्षतामा रक्तदान भएको हो । कार्यक्रममा सहभागीहरुले सामाजिक दुरी कायम गरेर रक्तदान गरेका थिए । रक्त सञ्चार केन्द्र घोराहीको प्राविधिक सहयोगमा भएको कार्यक्रममा सहकारीकर्मी,सञ्चारकर्मी लगायतले रक्तदान गरेको सहकारी संस्थाले जानकारी दिएको छ ।

थाहा अनलाइन

यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।