सप्तरी । पूर्व-पश्चिम राजमार्गअन्तर्गत सप्तरीको कल्याणपुरमा गए राति भएको सवारी दुर्घटनामा परी दुई जनाको मृत्यु भएको छ।
मृत्यु हुनेमा सप्तरीको खडक नगरपालिका-५ रंजितपुर निवासी ३० वर्षीय वीरेन्द्र दास र उनकी ५० वर्षीया आमा सुद्धनीदेवी रहेका जिल्ला प्रहरी कार्यालय सप्तरीले जनाएको छ।
पश्चिमबाट पूर्वतर्फ जाँदै गरेको स १ झ ४८७ नम्बरको टाटासुमो र विपरीत दिशाबाट आउँदै गरेको आमा छोरा सवार स १० प ९०५० नम्बरको मोटरसाइकल आपसमा ठक्कर खाँदा दुर्घटना भएको हो।
दुर्घटनामा आमा, छोराको घटनास्थलमै मृत्यु भएको प्रहरीले जनाएको छ। घटनाबारे अनुसन्धान भइरहेको इलाका प्रहरी कार्यालय कल्याणपुरले जनाएको छ।
थाहा अनलाइन
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
