नेपाली काँग्रेस जनादेशको सम्मान गर्ने पार्टी – नेता खाँण



सैघाली खबर,
काठमाडौँ, २६ मङ्सिर । नेपाली काँग्रेसका नेता बालकृष्ण खाँणले काँग्रेस जनादेशलाई सम्मान गर्दै लोकतन्त्रको संस्थागत विकासमा सशक्त प्रतिपक्ष भई रचनात्मक भूमिकामा रहने बताउनुभएको छ ।

काठमाडौँमा आज आयोजित छलफल कार्यक्रममा काँग्रेसको लज्जास्पद हार भयो होइन रु भन्ने प्रश्नको जवाफ दिँदै उहाँले – उस्तैउस्तै विचार र सिद्धान्त मिल्ने दुई शक्ति एउटै समूह बनेपछि काँग्रेस पछि परेको भएपनि समानुपातिक निर्वाचनमा नेपाली काँग्रेसले प्राप्त गरेको मत हेर्दा काँग्रेस नहारेको स्पष्ट पार्नुभयो ।

उहाँले इतिहासमा मुलुकलाई अप्ठेरो पर्दा काँग्रेस हारेर पनि प्रजातन्त्र र लोकतन्त्रको विकासमा पु¥याएको योगदानलाई जनताले भुल्न नहुने बताउनुभयो ।

नेपाली काँग्रेस निर्वाचन परिचालन समितिका संयोजक नेता खाँणले पार्टी कार्यकर्तामा आधारित नभई सामूहिक नेतृत्वमा चलेको, अध्यक्षात्मक प्रणालीभन्दा बाहिर गएकोलगायतका कारण निर्वाचनमा पछि परेको जानकारी दिनुभयो ।

 

TopLine
थाहा अनलाइन

यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।

प्रतिक्रिया दिनुहोस्