शुक्रबारदेखि विदेशमा अलपत्र नेपालीको उद्धार उडान पुन: सुरु



काठमाडौं / १४ साउन ।
केही दिनदेखि रोकिएको उद्धार उडान शुक्रबार जुलाई ३१ देखि फेरि सुरु हुँदैछ ।

जुलाई ३१ देखि अगष्ट ८ सम्म उद्धार उडान तालिका तय भएको संस्कृति, पर्यटन तथा नागरिक उड्डयन मन्त्रालयले जनाएको छ ।

प्रतिकुल मौसमको कारण विदेशबाट उद्धार गरेर ल्याइएकालाई सम्बन्धित पालिका वा जिल्लामा पुर्याउन समस्या भएपछि केही दिनयता उद्धार उडानहरु भएका छैनन् ।तर विशेष अवस्थामा भने उडान अनुमति दिइएको मन्त्रालयले जनाएको छ ।

कोरोनाको कारण अन्तर्राष्ट्रिय उडान बन्द भएपछि विदेशमा भिसा, करार सकिएकादेखि रोजगारी गुमाउँदा समस्यामा परेका श्रमिकको प्राथमिकताको आधारमा सरकारले गएको जेठ ३२ गतेदेखि चार्टर्ड जहाजमार्फत उद्धार गरिरहेको छ ।

अहिले चार्टर्ड जहाजमार्फत स्वदेश फिर्तीको प्रक्रिया हुँदा समस्यामा पर्नेहरूले टिकट नपाएको गुनासो पनि गरिरहेका छन् ।

अहिले पनि खाडीका देश र मलेसियामा हजारौं श्रमिक स्वदेश फर्कने दिन कुर्दै बसिरहेका छन् ।

TopLine
थाहा अनलाइन

यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।

प्रतिक्रिया दिनुहोस्
सत्य-तथ्य, खोजमुलक तथा नयाँ नयाँ रोचक भिडियोहरुका लागी (Thaha TV) थाहा टिभीलाई सब्स्क्राईब गर्नुहोस् ।