कपिलवस्तुमा २७ हजार ६ सय १७ मत बदर

सैघाली खबर,
कपिलवस्तु, २६ मंसिर ।– कपिलवस्तु जिल्लामा २७ हजार ६ सय १७ मत बदर भएको छ । मत पत्रमा ल्याप्चे लगाउने, कोठा बाहिर छाप लगाउने, एउटै मत पत्रमा दुई मत चिन्हमा छाप लगाउने जस्ता मतपत्रहरु बदर भएको जिल्ला निर्वाचन कार्यालयले जनाएको छ । प्रतिनिधिसभातर्फ १३ हजार ८ सय १४ र प्रदेशसभामा १३ हजार ८ सय ३ मत बदर भएको जिल्ला निर्वाचन कार्यालय कपिलवस्तुले जनाएको छ ।
मतदाता शिक्षा प्रभावकारी नहुँदा प्रतिनिधिसभा र प्रदेशसभा चुनावमा मतहरु बदर भएका हुन् । मतदाता शिक्षाका लागि खटाइएका मतदाता स्वयम्सेवीले प्रभावकारी मतदाता शिक्षा दिन नसक्दा र स्वयम् उम्मेदवारले पनि आफ्ना मतदातालाई मत हाल्ने तरिका सिकाउन नसक्दा बदर मतको संख्या बढेको देखिएको छ । जिल्लाको कुल मतदाता ३ लाख ११ हजार ७ सय ६० मध्ये ७३ दशमलव ७९ प्रतिशत मत खसेको जिल्ला निर्वाचन कार्यालयका प्रमुख ज्ञानहरि घिमिरेले बताउनुभयो ।

थाहा अनलाइन

यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।