काठमाडौं / १६ साउन ।
आज देखि विदेशमा अलपत्र नेपालीको चौथो चरणको उद्धार उडान शुरु भएको छ ।
कोभिड–१९ महामारीका कारण विभिन्न मुलुकमा अप्ठ्यारोमा परेका नेपालीलाई स्वदेश फर्काउन शुक्रवारदेखि यही साउन २४ गतेसम्म उद्धार उडान हुने भएको हो ।
संस्कृति, पर्यटन तथा नागरिक उड्डयन मन्त्रालयले बनाएको उद्धार उडान तालिकाअनुसार नेपाल एयरलाइन्सले यो अवधिसम्म जम्मा १८ उडान गर्नेछ ।
युएईको दुबई, कतारको दोहा, साउदी अरेबियाको दमाम र जेदाह, मलेशियाको क्वालालम्पुर र जापानको नारितामा चार्टर उडान हुने निगमले जानकारी दिएको छ ।
त्रिभुवन अन्तरराष्ट्रिय विमानस्थलमा आगमन र प्रस्थान दुवै गरी आज १३ अन्तरराष्ट्रिय उडान हुँदैछन् ।
अहिलेसम्म ३६ हजारभन्दा बढी नेपाली स्वेदश फर्किसकेका छन् ।
थाहा अनलाइन
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।