काठमाडौं / २० साउन।
आज सुनको मूल्य वृद्धि भई एक लाख नजिक पुगेको छ । सोमबार स्थिर रहेको सुनको मूल्य आजका दिन तोलामा २०० रुपैयाँले बढेको हो ।
नेपाल सुन चाँदी महासंघका अनुसार छापावाला सुन प्रतितोला ९९ हजार ८०० रुपैयाँ र तेजाबी सुन प्रतितोला ९९ हजार ३७५ रुपैयाँमा कारोबार भइरहेको छ ।
चाँदीको भाउ भने मंगलबार पनि स्थिर रहेको छ ।
सुनको मूल्य अन्तराष्ट्रिय बजारमा नै बढेकाले नेपाली बजारमा पनि ऐतिहासिक रेकर्ड कायम गरेको हो ।
आइतबार र सोमबार सुन प्रतितोला ९९ हजार ६०० रुपैयाँसम्म पुगेको थियो ।
थाहा अनलाइन
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
