टेककहादुर पुन,दाङ / २७ साउन।
दाङको गढवामा गत असार २६ गते ४ जनाको समुह द्वारा गाई काटियो । गढवा ६ रामपुर बस्ने ईब्राहिम गुजरको गाई चोरी गरि काट्नुको उद्देश्य मासु खानु नै थियो ।
काटिएको गाईको खुट्टा, पुच्छर, भुँडी लगायतका अँगहरु नजिकैको कक्रहवा खोला बगरमा पुरिएको अबस्थामा फेला पर्यो । यसले गर्दापनि गाईलाई खानकै लागि काटिएको हो भन्ने थप पुष्टि भयो ।
यसरी गाई चोरी गरि काटेर खानेहरुमा गढवा गाउँपालिका वडा नम्बर ६ रामपुर बस्ने रजा मनिहार, लालिया मनिहार, मुस्ताक मनिहार र शमसेर पठान रहेको प्रहरीको अनुसन्धान बाट खुल्यो । स्थानियको जानकारी अनुसार ईलाका प्रहरी कार्यालय गढवाको टोली घटना स्थल पुग्यो । टोलीले स्थलगत सर्जमिन मुचुल्का पनि तयार गर्यो । गाईलाई काटेर नै खाएको प्रहरी अनुसन्धानबाट खुलेपछी सम्बन्धित ब्यक्तिका नाममा किटानी जाहेरी गरि कानुन बमोजिम कारबाहीका लागी जिल्ला अदालत दाङमा पठाईयो ।
तर, अदालतले आरोपीत ४ जनालाई प्रचलित कानुन बमोजिम कारबाही गर्नुको साटो सामान्य धरौटीमा रिहा गरिदियो । बिश्वासको एकमात्र आधार न्यायालयकै मिलोमतो जस्तो देखिने गरि अदालतले उन्मुक्ती गरिदिएका कारण अहिले निष्पक्षता माथी नै प्रश्न चिन्ह खडा भएको छ । त्यसो त केहि बर्ष पहिले गढवाको कालाकाँटे र राजपुरको डगमारा नाकामा सोही प्रकृतीका घटनाहरु घटेका थिए । त्यस बखत प्रचलित कानुन बमोजिम घटनामा संलग्न दोशीलाई जिल्ला अदालत दाङले नै दुईबर्ष जेल सजाएको फैसला सुनाएको थियो ।
तर अहिले सोही प्रकृतीका घटनामा संलग्न दोशीलाई २४ घण्टामै रिहा गरिदिँदा न्यायालयको निष्पक्षता माथी नै प्रश्न चिन्ह खडा भएको हो । देशको राष्ट्रिय जनावर काटिदा पनि न्यायालयले दोशीलाई कारबाही गर्न नसक्नुमा न्यायालयको बिश्वास खस्किदै गएको गौसाला ब्यबस्थापन समिति गढवाका अध्यक्ष हुमाकान्त सुबेदीले चिन्ता ब्यक्त गर्नुभयो । अदालतले दोशीलाई उन्मुक्ती दिएको घटनाप्रती घोर भत्सर्ना गर्दै गौसाला ब्यबस्थापन समिति गढवाले मँगलबार लमहीमा पत्रकार सम्मेलन गरेको हो ।
बिश्वासको पात्र मानिने न्यायालयले समेत कारबाही गर्नुको साटो अपराधिक गतिबिधिलाई सँरक्षण गरेको र समाजलाई बिकृती बिसँगती तर्फ धकेल्न उत्प्रेरित गरेको समितिका अध्यक्ष सुवेदी द्वारा जारी बिज्ञप्तीमा उल्लेख छ ।
दोशीलाई उन्मुक्ति दिँदा जातिय सद्भावमा खलल पुग्ने, एकले अर्कालाई चुनौती दिने खतरा बढ्ने, धर्म सँस्कृती माथी नै प्रश्न चिन्ह खडागरी द्वन्द श्रृजना गर्ने कार्य रोकियोस, बिज्ञप्तीमा भनिएको छ । सनातन हिन्दु धर्म या अन्य कुनैपनि धर्म माथी अपमान हुने, समाजमा रहेको धार्मिक र साँस्कृतिक सद्भाव बिथोल्ने कार्य रोकी दोशीलाई तत्काल कारबाही गर्न समेत समितिले सबैसँग आग्रह गरेको छ ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
