गोंगबु हत्याकाण्डका आरोपी कल्पना पुर्पक्षका लागि थुनामा

काठमाडौं /१८ भदौ।
गोंगबु हत्याकाण्डका आरोपी कल्पना पौडेल मुडभरीलाई पुर्पक्षको लागि थुनामा पठाएको छ ।

बिहीबार जिल्ला अदालत काठमाडौँले मुडभरीलाई पुर्पक्षका लागि थुनामा पठाउन आदेश दिएको हो ।

यस्तै हत्यामा संलग्न रहेकी मुडभरीको छोरीलाई भक्तपुरस्थित बालसुधार गृह भक्तपुर, सानोठिमी पठाएको छ ।

मुडभरीकी छोरी नाबालिका भएको कारण सुधार गृह पठाइएको अदालतले जनाएको छ ।

२५ साउनमा गोंगबुस्थित गणेश स्थानमा सुटकेशमा बन्द गरेको अवस्थामा एक पुरुषको शव फेला परेको थियो ।

बोहोराको हत्यामा संलग्न रहेको आरोपमा मुडभरी र छोरीलाई प्रहरीले चितवनबाट पक्राउ गरेर काठमाडौँ ल्याएको थियो ।

थाहा अनलाइन

यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।