ओमप्रकाश गुप्ता , सिसहनियाँ २२ भदाै । दाङको राप्ती गाउँपालिकाका कर्मचारीले निलसागर सेवा अाश्रममा खाद्यान्न तथा फलफूल प्रदान गरेर १७ औँ निजामती सेवा दिवस मनाएका छन् । राप्ती गाउँपालिका वडा नम्बर ८ पिपरीमा रहेको सेवा आश्रममा ८ बोरा चामल ,१ कार्टुन फ्रुटी र फलफुल प्रदान गरेर दिवस मनाएका हुन् । गाउँपालिकाका प्रमुख प्रशासकिय अधिकृत शोभाराम रिजालको नेतृत्वमा कर्मचारीहरुको तर्फवाट सो सामाग्री प्रदान गरिएको हो ।
नियमित कार्यालयमा हुदै आएको औपचारीक कार्यक्रमको आयोजना नगरि मानव सेवानै ठुलो कार्य हो भन्ने भावनाले आश्रममा खाद्य सामाग्री र फलफुल प्रदान गरिएको प्रमुख प्रशासकिय अधिकृत रिजालले बताएका छन्। निलसागर सेवा आश्रमका अध्यक्ष प्रकाश विष्टले १७ औँ निजामती सेवा दिवसको अवसरमा सम्पुर्ण सहयोगी मनहरुलाई धन्यवाद समेत प्रदान गरेका थिए ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
