चलचित्र ‘प्रेम गीत ३’का निर्देशक छेतन गुरुङको निधन

काठमाण्डौ / २४ भदौ।

चलचित्र लेखक तथा निर्देशक छेतन गुरुङको निधन भएको छ । कलेजोमा समस्या आएपछि गुरुङलाई उपचारका लागि २ दिन अगाडि अस्पताल भर्ना गरिएको थियो ।

उनको काठमाण्डौको मेट्रो अस्पतालमा उपचारका क्रममा निधन भएको हो । छेतनको ४२ बर्षको उमेरमा निधन भएको हो ।उपचारका क्रममा उनको निधन भएको वुझिएको छ ।

लेखक गुरुङले चलचित्र ‘नोभेम्बर रेन, क्लासिक, ए मेरो हजुर ३’को स्क्रिप्ट लेखेका थिए । यस्तै, उनले निर्देशन गरेको चलचित्र ‘डमरुको डण्डिबियो’ रिलिज भैसकेको छ ।

छेतनले नै निर्देशन गरेको चलचित्र ‘प्रेमगीत ३’ कोरोना संक्रमण बढेसँगै भएको लकडाउनका कारण रिलिज हुन पाएको थिएन । उनी, नयाँ चलचित्र ‘हुतुतु’ निर्देशनको तयारीमा थिए ।

थाहा अनलाइन

यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।