काठमाण्डौ / २४ भदौ
चलचित्र ‘ए मेरो हजुर ३’ बाट अभिनेत्री सुहाना थापाले डेब्यू गरेकी हुन् । उनले पहिलो फिल्मबाटै सफलताको सुख प्राप्त गरिन् । आमा झरना थापाले निर्देशन गरेको फिल्मबाट अभिनयको थालनी गरेकी हुन्। चलचित्र ‘ए मेरो हजुर ३’ मा उनको अभिनय पनि निकै रुचाइयो ।
डेब्यू फिल्मबाटै उनले डि सिने अवार्ड र कामना अवार्डमा नव अभिनेत्रीको अवार्ड समेत उचाल्न सफल भइन् । उक्त उनको जोडी अभिनेता अनमोल केसीसँग बाँधिएको छ ।
सुनिल कुमार थापा निर्मित चलचित्र ‘ए मेरो हजुर ४’ को छायांकनमा व्यस्त थिइन् । लकडाउनका कारण फिल्मको छायांकन रोकिएपछि उनी परिवारसँग समय विताइरहेकी छन् । उक्त चलचित्र यस वर्षको दशैंमा प्रदर्शनमा आउने तयारीमा थियो ,तर कोरोनाको संक्रणमबाट बच्न सरकारले लकडाउन घोषणा गरेपछि फिल्मको छायांकन समेत पूरा हुन सकेको छैन । अब अर्को वर्षको दशैंमा फिल्म प्रदर्शन हुने सम्भावना बढेको छ ।
बिहीवार सामाजिक सञ्जाल इन्स्टाग्राममा ‘ए मेरो हजुर ४’ कहिले रिलिज हुन्छ भनेर एक प्रशंसकले सोधेको प्रश्नको जवाफ दिने क्रममा उनले फिल्ममा आफूले निर्वाह गरेको भूमिका पनि खुलाएकी छन्। सुहानाको हातमा रहेको खरीपाटीमा नाम आर्या महर्जन, पेशा विद्यार्थी, घर पाटनदरबार स्क्वायर, उमेर १९ वर्ष र अपराध गुण्डागर्दी र मापसे उल्लेख छ ।
प्रहरीले अपराधमा संलग्न व्यक्तिलाई पक्राउ गरेपछि पेपर वा खरीपाटीमा उसको परिचय खुलाएर पत्रकारसमक्ष सार्वजनिक गर्ने गरेको छ । सुहानाले पोस्ट गरेको तस्विर हेर्दा उनी फिल्ममा विद्यार्थी जीवनमा नै अरुसँग कुटपिट गर्ने र मापसे गरेर सवारी साधन चलाउने युवतीको भूमिकामा रहेको अनुमान लगाउन सकिन्छ । उनको यो पोस्टले दर्शकको फिल्मप्रति अझ उत्सुकता बढेको छ ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
