दाङ, असोज २३ । दाङको तुलसीपुर उपमहानगरपालिका वडा नम्बर १३ का वडाध्यक्ष डम्बर न्यौपानेको मृत्यु भएको छ । घरमा विरामी पर्नुभएका अध्यक्ष न्यौपानेको अस्पताल लैजाँदै गर्दा आज विहान साढे १० बजे बाटोमा नै मृत्यु भएको तुलसीपुर उपमहानगरका प्रवक्ता सुर्यवहादुर डाँगीले जानकारी दिनुभयो ।
लामो समयदेखि टाइडफाइड र निमोनियाबाट पिडित रहनुभएका न्यौपानेको ६५ वर्षको उमेरमा मृत्यु भएको छ । उहाँको शवलाई अहिले राप्ती प्रादेशिक अवस्पतालमा राखिएको छ । वडाध्यक्ष न्यौपाने स्थानीय तह २०७४ सालको निर्वाचनमा नेपाली कांग्रेसबाट विजयी हुनुभएको थियो ।
यसैबीच वडाध्यक्ष न्यौपानेको निधनमा नगरप्रमुख घनश्याम पाण्डेले शोक विज्ञप्ती जारी गरेर शोक व्यक्त गर्नुभएको छ ।
थाहा अनलाइन
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
