कृष्णनगर, असोज २४ ।
कृष्णनगर टुर एण्ड ट्रवल्स एसोसियसनको आयोजनामा २०७७ को दशैं–तिहारको अवसरमा शुभकामना आदानप्रदान कार्यक्रम सम्पन्न भएको छ ।
एसोसियसनका संयोजक रवि शाहको अध्यक्षता तथा स्थानीय बुद्धिजीवी, संघ–संस्थाका प्रतिनिधि, उद्योग वाणिज्य संघ कृष्णनगरका पदाधिकारी लगायतको उपस्थितिमा शुभकामना आदान प्रदान कार्यक्रम आयोजना गरिएको हो ।
कार्यक्रममा नेपाल र भारतका स्थानीय जनप्रतिनिधि, संघ–संस्थाका प्रतिनिधि, संचारकर्मी तथा कृष्णनगर टुर एण्ड ट्रवल्सका पदाधिकारी लगायतले आफ्नो शुभकामना मन्तव्य राखेका थिए । दुवै देशमा विद्यमान राजनितिक, समाजिक, साँस्कृतिक सम्बन्धलाई नियाल्दै वक्ताहरुले टुर एण्ड ट्रवल्स सेवाका माध्यमले पनि आपसी सम्बन्धमा मजबुती आउने बताए ।
कार्यक्रममा भारत सिद्धार्थनगरका भाजपा युवा मोर्चा अध्यक्ष राजु शाही, उद्योग वाणिज्य संघ कृष्णनगरका अध्यक्ष रामकुमार गुप्ता, लायन्स क्लबका दिनेशचन्द्र गुप्ता, जसपा प्रदेश पाँच प्रवक्ता अकरम पठान, पिआरसीका भुमिराज भट्टराई, आफन्त नेपालका केसर विश्वकर्मा लगायतको उपस्थित थियो ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
