घोराही । नेपाली कांग्रेसको शुभेच्छुक संस्था वीपी युवा मञ्च तुलसीपुरका संयोजक केशवराज भुसाल जेल चलान भएका छन् । उनीमाथि २०७० साल मंसिरमा ज्यान मार्ने उद्धेश्यका साथ तुलसीपुरका कृष्णसागर वलीलाई आक्रमण गरेर घाइते बनाएको आरोप लागेको छ ।
भुसालले भने आफू सो घटनामा सलग्न नरहेको दाबी गर्दै आएका छन् । दाङ देउखुरी जिल्ला अदालतले दोषी ठहर गर्दै २०७५ मंसिर २२ गते ५ वर्ष जेल सजायको फैसला गरेको थियोे ।
नेकपा छाडेर कांग्रेसमा तुलसिपुरका युवाहरुसहित पार्टी प्रवेश गरेका भुसाललाई केही समय अगाडि कांग्रेस केन्द्रीय सदस्य तथा पूर्वमन्त्री दिपक गिरीले पार्टी प्रवेश गराएका थिए ।
उनलाई इप्रका तुलसीपुरले सोमबार पक्राउ गरि बुधबार अदालतमा बुझाएको थियो । अदालतले उनलाई तुलसीपुर कारागार पठाएको छ ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
