ओमप्रकाश गुप्ता, भालुवाङ २७ कार्तिक । दाङको देउखुरीमा बिहीबार साँझा गुडिरहेको बसमा एक्कासी आगलागी भएको छ । पोखराबाट तुलसीपुर तर्फ जाँदै गरेको ना ५ख ३६६ नम्बरको यात्रुबाहक बसमा अचानक आगलागी भएको हो ।
कालाकाटे र धानखोला बीचको जंगल क्षेत्र रहेको स्थानमा उक्त बसमा आगलागी भएको अस्थायी प्रहरी पोष्ट कालाकाटेका प्रहरी प्रमुख उज्जवल शाहले जानकारी दिए । आगलागीबाट बस जलेर पूर्ण रुपमा जलेर खरानी भएको छ ।
बसको ईञ्जिनमा वाईरिङ्ग सट भएर आगलागी भएको प्रारम्भिक अनुसन्धानबाट खुल्न आएको प्रहरी प्रमुख शाहले बताए । बसमा २३ जना यात्रु सवार थिए । आगलागीबाट यात्रुहरुलाई भने केही नभएको र सबै यात्रु सकुसल रहेको प्रहरीले जनाएको छ ।
आगलागीबाट बस भित्र रहेको यात्रुहरुको समान समेत जलेर पूर्ण रुपले खरानी भएको छ । उक्त बसका यात्रुहरुलाई अर्को बसको व्यवस्था गरी घर पठाउन लागिएको समेत प्रहरीले जनाएको छ ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
