ओमप्रकाश गुप्ता, सिसहनियाँ १ मंसिर । दाङको देउखुरीमा स्कारपियोको ठक्करबाट १ जना पैदलयात्री घाइते भएका छन् । पुर्व पश्चिम राजमार्ग अन्र्तगत लमही भालुवाङ सडक खण्डको राप्ती गाउँपालिका ५ सिसहनियाँमा सोमबार विहान ५:५० बजेको समयमा पश्चिमबाट पुर्व तर्फ गइरहेको भे १ च १३६२ नम्बरको स्कारपियोको ठक्करबाट पैदल हिडिरहेका राप्ती गाउँपालिका वडा नम्बर ५ कमलरोड सिसहनियाँ निवासी अन्दाजी ७५/७६ वर्षका डिलाराम पोख्रेल घाइते भएका छन् ।
घाइतेको सिसहनियाँ स्थित विष्ट स्वास्थ्य पोलिक्लिनीकमा सामान्य उपचार पछि थप उपचारका लागि बुटवल पठाइएको छ । मनिङवाकमा निस्केका पोख्रेललाई गाडीले ठक्कर दिएको प्रहरी चाैकी सिसहनियाँले जानकारी दिएको छ । घाइते पोख्रेलको खुट्टा फ्याक्चर र टाउकोमा चोट लागेको प्रहरीले जानकारी दिएको छ । ठक्कर दिने स्कारपियो र चालकलाई इलाका प्रहरी कार्यालय भालुवाङले आफ्नो नियन्त्रणमा लिएको छ ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
