काठमाडौं। स्थानीय बजारमा सुनको मूल्यमा आज प्रतितोला एक हजार ८ सयले ओरालो लागेको छ। नेपाल सुनचाँदी व्यवसायी महासंघका अनुसार आज छापावाला सुन प्रतितोला ९२ हजार ५ सयमा कारोबार भएको छ।
सोमबार प्रतितोला ९४ हजार ३ सयमा कारोबार भएको छापावाला सुन आज एक हजार ८ सयले ओरालो लागेको हो। यस्तै तेजाबी सुन प्रतितोला ९२ हजारमा कारोबार भएको छ। सोमबार तेजाबी सुन प्रतितोला ९३ हजार ८ सयमा कारोबार भएको थियो।
यस्तै चाँदीको मूल्यसमेत ओरालो लागेको छ। सोमबार चाँदी प्रतितोला एक हजार २१० मा कारोबार भएकामा आज प्रतितोला ३० ले ओरालो लागेर एक हजार १८० मा कारोबार भएको छ।
थाहा अनलाइन
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
