कपिलबस्तु, मंसीर १३ सुरेश कुमार पांडेय
कपिलवस्तुका सुरक्षाकर्मीले अवैध रुपमा भन्सार छली ओसारपसार नियन्त्रणका लागी थप कडाई गरे सगै कपिलबस्तुको मर्यादपुर नाका बाट शसस्त्र प्रहरीले अवैध रुपमा भन्सार छली रु.२ लाख बढि पर्ने कपडा र २ वटा भारतिय मोटर साईकल नियन्त्रणमा लिएको छ ।
भारतबाट लुकाई छिपाई ल्याइ रहेकोे हुदा बि.ओ.पी. मर्यादपुर बाट शसस्त्र प्रहरी निरिक्षक शंकर सिंह सिखको कमाण्डमा खटिएका ७ जनाको टोलीले गोटिहवाको नहर बाटोमा तस्करहरुलाई लखेटदै २ लाख भन्दा बढीकोे कपडा सहित भारतिय मोटर साईकल पक्राउ गरेको हो ।
भन्सार छली ती अवैध सामानहरु सुठौली भन्सार कार्यालय चलान गरिएको बि.ओ.पी. मर्यादपुरका शसस्त्र प्रहरी निरिक्षक शंकर सिंहले बताउनु भएको छ । कपिलवस्तुका सुरक्षाकर्मीले अवैध रुपमा भन्सार छली ओसारपसार नियन्त्रणका लागी थप कडाई गरे सगै पछिल्लो समय सिमा क्षेत्रमा बिभिन्न सामानहरु बरामद हुने क्रम बढेको छ ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
