दाङ । दाङ देउखुरीमा बिहिवार मोटरसाईकलले ठक्कर दिँदा साईकल यात्रीको मृत्यु भएको छ । लमही नगरपालिका वडा नम्बर ८ सतबरियामा बेलुकी साढे ६ बजे मोटरसाईकलले ठक्कर दिएको हो ।
पश्चिमबाट पुर्ब आउँदै गरेको साईकल यात्रीलाई सोही दिशाबाट आउँदै गरेको रा ३ प ७५६० नम्बरको मोटरसाईकलले ठक्कर दिँदा साईकल यात्रीको मृत्यु भएको हो ।
लमही नगरपालिका-७ बनघुस्री निवासी ५२ बर्षिय पुरण बाँठा मगरको मृत्यु भएको ईलाका प्रहरी कार्यालय अमिलियाले जनाएको छ ।
दुर्घटनामा परि लमही-८ धनपुरुवा निवासी २७ बर्षिय मोटरसाईकल चालक लिला चौधरी पनि गम्भीर घाईते छन ।
घाईतेको लमही अस्पतालमा सामान्य उपचार पछि बुटवल रिफर गरिएको छ । मोटरसाईकल चालक नेपाल आर्मीको जवान रहेको बुझिएको छ ।
थाहा अनलाइन
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
