ट्रक सय मिटर तल खस्यो, ३ को मृत्यु

दार्चुला । दार्चुलामा ट्रक दुर्घटना भएको छ । दुर्घटनामा परि ३ जनाको मृत्यु भएको छ । मालिकार्जुन गाउँपालिका १ भर्तालामा ना३ख ३४८५ नम्बरको ट्रक गएराति दुर्घटना भएको हो । दुर्घटनामा चालकसहित तीन जनाको मृत्यु भएको प्रदेश प्रहरी कार्यालयले जानकारी दिएको छ ।

शैलेशिखर–९ गोकुलेश्वरबाट दार्चुला सदरमुकाम खलंगा जाँदै गरेको ट्रक दुर्घटना हुँदा बैतडीका २४ वर्षीय शेरबहादुर कार्की र बैतडीको दोगडाकेदार–६ का २४ धनसिङ भण्डारीको मृत्यु भएको दार्चुला प्रहरीका प्रवक्ता पुष्कर सिंह ऐरिले बताए ।

अर्का एक जनाको सनाखत हुन सकेको छैन । ट्रक सडकबाट करिब १ सय मिटर तल खसेको छ ।

थाहा अनलाइन

यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।