काठमाडौं। पछिल्लो २४ घण्टामा मंगलबार थप १ हजार ३८२ जनामा कोरोना संक्रमण पुष्टि भएको छ। स्वास्थ्य तथा जनसंख्या मन्त्रालयले संक्रमित हुनेमा ३७० जना महिला र ६४४ जना पुरुष रहेका जनाएको छ। यो सँगै नेपालमा कोरोना संक्रमितको संख्या २ लाख ४३ हजार ३७७ पुगेको छ।
मन्त्रालयका अनुसार हालसम्म पीसीआर विधिबाट १७ लाख ९९ हजार ६८६ परीक्षणहरु गरिएका छन्। २४ घण्टामा जम्मा ८ हजार ९४७ पीसीआर परीक्षण भएका छन्। देशभरी सक्रिय संक्रमितको संख्या १२ हजार ६८६ छ भने क्वारेन्टाइनमा रहनेको संख्या ५२३ जना रहेका छन्।
स्वास्थ्य मन्त्रालयले २४ घण्टामा १ हजार ६२१ जना कोरोना संक्रमणबाट निको भएर डिस्चार्ज भएका छन्। नेपालमा योसँगै निको हुनेको २ लाख २९ हजार ५४ पुगेको छ। त्यसका साथै २४ घण्टामा कोरोना संक्रमणबाट २३ जनाको मृत्यु भएको छ। यो सँगै हालसम्म मृत्यु हुनेको संख्या १ हजार ६३७ पुगेको छ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
