दुर्घटनामा परी एकको मृत्यु तीन घाईते

सैघाली खबर

पश्चिम रूकुम, २० पुस । रुकुम पश्चिमको सानीभेरी गाउँपालिका वडा नं.९ सिम्लीमा ट्रयाक्टर दुर्घटनामा १ जनाको मृत्यु भएको छ ।दुर्घटनामा तीन जना गम्भीर र एकजना सामान्य घाइते भएका छन् । मध्यपहाडी लोकमार्ग सडक निर्माण कार्यमा लागेको चन्द्रा एण्ड बशन्त कन्स्ट्रक्सन प्रा।ली।को म १ त १३५ ट्रयाक्टर व्याक गर्ने क्रममा दुर्घटना भएको हो ।

ट्रयाक्टर करिब ३० मिटर तल खसेको स्थानीयवासीले जनाएका छन् । दुर्घटनामा रुकुम पश्चिम आठबीसकोट नगरपालिका ११ गोइरीका प्रेम कामीको मृत्यु भएको हो ।

सोही ठाउँका उत्तम कामी, गणेश पुन र कैलाली घर भएका ट्रयाक्टर चालक रामसागर चौधरी घाइते भएका छन् ।

आठबीसकोट घर भएका दलिबहादुर विक सामान्य घाइते भएका छन् ।

थाहा अनलाइन

यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।