काठमाडौं- नेपाल कम्युनिष्ट पार्टी (नेकपा)का अध्यक्षसमेत रहेका प्रधानमन्त्री केपी शर्मा ओली र कार्यकारी अध्यक्ष पुष्पकमल दाहाल प्रचण्डबीच खुमलटारमा बैठक चलिरहेको बेला उपाध्यक्ष बामदेव गौतम टुप्लुक्क पुगेका थिए ।
केहीबेर गौतम संयुक्त छलफलमा बसेको बेला वरिष्ठ नेता माधव नेपाल पनि खुमलटार पुगेका थिए । नेता नेपाल पुगेलगत्तै प्रधानमन्त्री केपी शर्मा ओली प्रचण्ड निवासबाट बाहिरिएका छन्।
कार्यकारी अध्यक्ष प्रचण्डसँग छलफलका लागि शनिबार बिहान ११ बजे खुमलटार पुगेका प्रधानमन्त्री ओली १ घण्टा १५ मिनेट बसेर बाहिरिएका हुन्।
थाहा अनलाइन
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
