आर्थिक पारदर्शिता मेरो चुनाव जित्ने मुख्य आधारहोः पोख्रेल

 दाङ जिल्लाको सबैभन्दा पुरानो व्यवसायीक संस्था दाङ जिल्ला उद्योग वाणिज्य संघमा नया“ नेतृत्वको लागि चुनावी प्रतिष्पर्धा हु“दैछ । कोषाध्यक्ष पदका उम्मेद्वार सुशिल पोखे्रल संग निर्वाचन र उम्मेद्वारीको सेरोफेरोमा केन्द्रित रहेर थाहा अनलाइनले गरेको कुराकानीको सारसंक्षेप प्रस्तुत गरेका छौं ।

स्वागत छ यहालाई थाहा अनलाइनको कुराकानीमा ?

धन्यवाद ।

तपाईको उम्मेद्वारी किन ?

म व्यवसायीक हकहितका लागि अनवरत खटिदै आएको छु । दाङ जिल्ला उद्योग वाणिज्य संघको कार्यसमिति सदस्य र कोषाध्यक्ष पदको जिम्मेवारी सम्हालि सकेको छु । अहिले मैले पुनः कोषाध्यक्ष पदमा उम्मेद्वारी दिएको छु । व्यवसायीक साथीहरुका साझा समस्यालाई व्यवसायी एकता बाटै समाधान गरिनुपर्छ भन्ने मेरो मान्यता रहँदै आएको छ । म कोषाध्यक्ष भएको बेला उद्योग वाणिज्य संघ आर्थिक पारदर्शिता चुस्तदुरुस्त भएको सर्वविदितै छ । सबै व्यवसायीहरुले सुरक्षित रुपले व्यवसाय गर्न सक्ने वातारण निर्माण गर्न मेरो उम्मेद्वारी रहेको छ ।

अहिलेको चुनावी प्रचार–प्रसार कार्यक्रमलाई कसरी अगाडि बढाउनु भएको छ ?

हामी संयुक्त प्यानल बाट चुनावी प्रतिष्पर्धामा छौं । सम्पूर्ण व्यवसायी साथीहरुको साथ, सहयोग हामीलाई छ । हामी निरन्तर व्यवसायीक साथीहरुलाई भेटीरहेका छौं । निर्वाचनको समय नजिकिएको छ त्यसैले हामी हतारहतारमा साथीहरुसंग भेट्घाटमा पुगेका छौं । साथीहरु बाट गुनासो नआओस् भन्ने सोचमा हामी छौं । संयुक्त प्यनालमा आवद्ध सबै व्यवसायी साथीहरुले आ–आफ्नो क्षेत्रबाट चुनाव प्रचार–प्रसारलाई तीव्ररुपमा अघि वढाउनुभएको छ ।

तपाईले चुनाव जित्ने आधार के हुन् ?

म एक कार्यकाल दाङ जिल्ला उद्योग वाणिज्य संघको सदस्य र कोषाध्यक्ष भई काम गरिसकेको छु । आर्थिक पारदर्शिता मेरो चुनाव जित्ने मुख्य आधार हो । विगत लामो समय दाङ जिल्ला उद्योग वाणिज्य संघमा कार्यरत कर्मचारीले तलब खान पाएका थिएनन् मेरै कार्यकालमा उहाँहरुलाई पारीश्रमिक दिइएको थियो । म निरन्तर व्यवसायी साथीहरुको हकअधिकारका निम्ती आवाज उठाउँदै आएको र समस्या समाधानमा लाागि परेको सर्वविदितै छ । व्यवसायीका समस्या साझा हुन् ती समस्यालाई व्यवसायीक एकता बाट नै समाधान गरिनुपर्छ भन्ने मान्यता मेरो रहेको छ, त्यसैले व्यवसायी साथीहरुको माया, ममता र हौसला म माथि रहेकाले यस पटकको निर्वाचनमा म निर्वाचित हुन्छु भन्ने कुरामा म विश्वस्त छु ।

व्यवसायीहरुका मुद्दालाई कसरी समाधान गर्ने सोंचमा हुनुहुन्छ ?

व्यवसायीहरुका मुद्दा साझा हुन् । व्यवसायीक एकता बाट नै ती मुद्दाको समाधान गर्न सकिन्छ भन्ने मेरो सोंच हो । विगतमा पनि हामीले सामुहिक प्रयास बाट व्यवसायीक मुद्दा समाधान गरेका कयौं उदाहरण हाम्रा सामु छन् । मैले दुई कार्यकाल उद्योग वाणिज्य संघमा रहेर काम गरिसकेको छु । व्यवसायीक हकहितका पक्षमा आवाज उठाउँदै आएको छु । व्यवसायीक साथीहरुका समस्या समाधानमा निरन्तर लागि रहेको छु । मतदाताहरुलाई केहि भन्नु छ । दाङ जिल्ला उद्योग वाणिज्य संघको यहि पौष २० गते हुन गईरहेको निर्वाचनमा सहभागी भई म कोषाध्यक्ष पदको उम्मेद्वार सुशिल पोखे्रल लाई आफ्नो अमूल्य मत दिई विजयी गराउनुहुन सम्पूर्ण व्यवसायी साथीहरुलाई हार्दिक अनुरोध गर्दछु । दाङ जिल्ला उद्योग वाणिज्य संघलाई सक्षम नेतृत्वको आवश्यक्ता छ । सक्षम नेतृत्व गर्न सक्ने व्यक्तिलाई नै तपाईहरुले रोज्नुस् मैले विगतमा गरेका कामको मूल्याङ्न गर्दै यस पटकको निर्वाचनमा मलाई विजयी गराउनुहुन अनुरोध गर्दछु ।