सरकारले बाटो खोलेपनि राजपा तत्काल चुनावमा जान नसक्ने ।।

जेठ,२६

स्थानीय तह निर्वाचनको पहिलो संशोधन विधेयक संसद्बाट पारित भएपनि केही माग पुरा नभएसम्म राष्ट्रिय जनता पार्टी चुनावमा नजाने भएको छ । यो विध्येयक पारित भएपनि राष्ट्रिय जनता पार्टीले भने चुनाबमा नजाने र थप छलफल आवश्यक रहेको स्पष्ट पारेको छ । राजपा नेतृत्वको गठबन्धनले आन्दोलनका थप कार्यक्रम सार्वजनिक गरेको हो । दोस्रो चरणको घोषित आन्दोलन सकिए लगत्तै संघीय गठबन्धनले भोली र पर्सी तराई मधेशका गाउँ, नगर, उपमहानगर र महानगरका वडामा आन्दोलन परिचालन समिति गठन गर्ने निर्णय गरेको छ । बन्दहड्तालका कार्यक्रम फिर्ता लिदै गठबन्धनले आजसम्मका लागि आन्दोलनका सामान्य कार्यक्रम ल्याएको थियो । राजपा नेता राजकिशोर यादवले सीआईएनसँग कुराकानी गर्दै सरकारले झुक्याउने प्रयास गरेको बताउनुभयो । आज बैठक बसेर थप छलफल गर्ने उहाँले जानकारी दिनुभयो ।