११ माघ , काठमाडौँ | मलेसियाबाट हिजाे १८ जना नेपालीको शव नेपाल ल्याइएको बिषमा राेजगार प्रति गुनासाे बढेकाे छ । नेपाल वायुसेवा निगमको वाइड बडी जहाजमार्फत १८ जना नेपालीको शव नेपाल ल्याइएको हो । उक्त लाश नेपाल ल्याए लगत्तै देशभर एक किसिमकाे तरङ्ग मच्चिएकाे छ । बैदेशिक राेजगार प्रति प्रश्न ठडा भएकाे छ । देशमा भएकाे बेराेजगारी समस्याले देशकाे जनशक्ति यसरी बन्द बाकसमा आउनु परेका हाे ।
यसअघि मलेसियास्थित दूतावासले मलेसियामा मृत्यु भएका नेपालीको शव ल्याउन निगमलाई आग्रह गरेको थियो । सोहीअनुसार परराष्ट्र र पर्यटन मन्त्रालयसँग सहकार्य गरेर निगमले शव ल्याएको हो ।
वैदेशिक रोजगारीको सिलसिलामा मलेसियामा काम गर्न गएका नेपाली विभिन्न कारणले ज्यान गुमाएर त्यहाँ अलपत्र अवस्थामा थिए । शव ल्याउन नसकिएका ५ जनाको भने अस्तु मात्रै ल्याइएको हाे ।
शव लिनका लागि विमानस्थल पुगेका मृतकका आफन्तहरु निराश र भावविह्वल भएका थिए । शव बुझ्न गएका आफन्तको रुवाबासीले विमानस्थलको अवस्था शोकमग्न थियो । निगमले क्वालालम्पुर गन्तव्यमा न्यारो बडी जहाजले नियमित उडान गर्दै आएपनि नेपाली कामदारको शव लिनकै लागि निगमले वाइड बडी जहाज पठाइएको जनाएको थियाे । यस बारेमा सम्बन्धित निकायकाे ध्यान पुग्न जरुर देखिन्छ ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।