काठमाडौं। नेपाल आयल निगमले पेट्रोल, डिजेल र ग्यासको मूल्य बढाएको छ। ग्यासको मूल्य प्रतिसिलिण्डर २५ रुपैयाँ बढाइएको छ।
बुधबारको निर्णयअनुसार आयल निगमले ग्यासमा हाल कायम १ हजार ३ सय ७५ रुपैयाँलाई बढाएर १४ सय रुपैयाँ पु(याएको हो।
यसैगरी निगमले पेट्रोल-डिजेल-मटीतेलको मूल्यमा प्रतिलिटर दुई रुपैयाँले वृद्धि गरेको छ।बिहीबारदेखि लागू भएको सो नयाँ मूल्य अनुसार अब पेट्रोलको मूल्य ११२ रुपैयाँ तथा डिजेल र मटीतेलको मूल्य ९५ रुपैयाँ पुगेको छ। निगमका अनुसार हवाई इन्धनको मूल्य भने यथावत राखिएको छ।
थाहा अनलाइन
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
