फागुन १० , काठमाडौं । नेपाल कम्युनिष्ट पार्टी (नेकपा)को प्रचण्ड-माधव समूहले ६८ जिल्लाको नेतृत्व चयन गरेको छ । सो समूहले ६८ जिल्लाको अध्यक्ष र सचिव चयन गरेको हो ।जसअनुसार पूर्व माओवादी पक्षले ३५ जिल्लाको नेतृत्व पाएको छ भने पूर्व एमाले पक्षले ३३ जिल्लाको नेतृत्व पाएको छ ।
सो समूहले काठमाडौं अध्यक्षमा बसन्त मानन्धार र सचिवमा हिमाल शर्मालाई चयन गरेको छ भने ललितपुर अध्यक्षमा हरिकृष्ण थापा र सचिवमा राजकाजी महर्जनलाई चयन गरेको छ । यस्तै सुर्खेत जिल्ला अध्यक्षमा धुर्व शाहि सचिवमा कृष्ण बहादुर जि सी लाई चयन गरिएको छ ।
आइतबार पार्टी संगठनभित्र ५० प्रतिशतको अनुपातमा भागबण्डा गर्ने गरी जारी गरिएको मापदण्ड सार्वजनिक भएको थियो । अब ९ जिल्लाको नेतृत्व चयन गर्न बाँकी रहेको र ती जिल्लामा दुवै पक्षलाई ५० प्रतिशत हिस्सा पुग्ने गरी भागबन्डा मिलाइने बताइएको छ ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
