फागुन २३, काठमाडौं । नेकपा प्रचण्ड-माधव समूहले प्रतिनिधिसभा बैठक बहिस्कार गरेको छ । कार्यसूचीमा सरकारले ल्याएको अध्यादेश पनि राखिएको भन्दै उनीहरुले बैठक बहिस्कार गरेका हुन् । प्रचण्ड–माधव समूहका सबै सदस्य बाहिरिएका छन् ।
सो समूहले सर्वोच्च अदालतले संसद् पुनर्स्थापित गरेसँगै सरकारले वैधानिकता गुमाएको उल्लेख गर्दै अध्यादेश सहितका कार्यसूची हटाउन माग गरेको थियो ।
तर सभामुख अग्निप्रसाद सापकोटाले अधिवेशनको पहिलो बैठकमा अध्यादेशहरू पेश गर्नुपर्ने कानुनी बाध्यता रहेको उल्लेख गरेपछि प्रचण्ड–माधव समूहका सदस्यहरु बाहिरिएका हुन् ।
थाहा अनलाइन
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
