काठमाडौँ । चीनको शिनजियांग प्रान्तको एक कोइला खानीमा पानी भरिएको कारण १३ श्रमिक फसेका छन् । स्थानीय प्रशासनको अनुसार उक्त श्रमिकहरुलाई बचाउने कार्य भइरहेको छ ।
चीनी मिडिया रिपोर्ट्सको अनुसार, फसेका २१ जना मध्ये करिब आठ श्रमिकलाई अहिलेसम्म निकालिएको छ तर १३ श्रमिक अझै पनि कोइला खानीमा फसेका छन् ।
उद्धारकर्ताको अनुसार, ती श्रमिकहरु कस्तो प्रकारले फसेका छन् भन्ने पत्ता लागेको र उनीहरूलाई सास फेर्न कठिनाइ नहोस् भनेर खानी भित्र अक्सिजन पम्प गरिएको छ । साथै खानीबाट पानी बाहिर निकाल्ने कार्य भइरहेको छ ।
थाहा अनलाइन
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।