३१ चैत्र गोरखा । शहिदलखन गाउँपालिका –९ नाम्जुङ्गमा ट्र्याक्टरले ठक्कर दिँदा १३ वर्षीय बालकको मृत्यु भएको हो । मृत्यु हुनेमा स्थानिय सरस्वती आधारभूत बिद्यालय कक्षा ७ मा अध्ययनरत विवश ढकालको मृत्यु भएको हो। मंगलवार बिहान घैरुङबाट नाम्जुङतर्फ जाँदै गरेको ग १ त ४५८२ नं को ट्र्याक्टरले छेलाङे चोक नजिकै बिहानी कक्षा पढेर घर फर्कँदै गरेका बालक ढकाललाई ठक्कर दिँदा उनको मृत्यु भएको विद्यालयका प्रधानाध्यापक ऋषि लामिछानेले जानकारी दिनुभयो ।
ढकालको ट्याक्टरको टायरले किच्दा उनको घटनास्थलमै भएको हो। शहिदलखन गाउँपालिकाका अध्यक्ष रमेश बाबु थापा मगरले घटनाबारे थप अनुसन्धान भइरहेकाले दुर्घनाको कारण अहिलेनै भन्न नसकिने समेत उनले जानकारी दिए।
थाहा अनलाइन
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
