कमलादीबाट सर्दै नेपाल दूरसञ्चार प्राधिकरणकाे कार्यालय



काठमाडौं। नेपाल दूरसञ्चार प्राधिकरणले आफ्नो कार्यालय राष्ट्रिय नाचघर जमलमा सार्ने भएको छ। हाल कमलादीमा रहेको प्राधिकरणको कार्यालय अब जमल सार्न लागेको हो। प्राधिकरणबाट हुने सबै कामहरु आगामी बैशाख २ गतेदेखि राष्ट्रिय नाचघरबाटै सञ्चालन गर्ने गरी सर्न लागेको प्राधिकरणले जनाएको छ।

२०७६ फागुनमा आफ्नै भवन बनाउने योजनासहित अगाडि बढेको प्राधिकरणले खुमलटारमा रहेको रेडियो नेपालको जग्गा नपाएपछि भवन निर्माण गर्न सकेको छैन। रेडियो नेपालको स्वामित्वमा रहेको ४२ रोपनी जग्गा खरिद गरी कार्यालय भवन बनाउने योजना प्राधिकरणको थियो। आफ्नै भवन बनाउन नपाएको प्राधिकरण नाचघरको स्पेस भाडामा लिएर कार्यालय सञ्चालन गर्न लागेको हो।

TopLine
थाहा अनलाइन

यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।

प्रतिक्रिया दिनुहोस्