नेपालगन्ज र कोहरपुरमा उम्मेदवार टुंग्यायो कांग्रेसले

जेठ २८

नेपाली कांग्रेसले बाँकेको नेपालगञ्ज उपमहानगरपालिका र कोहलपुर नगरपालिकाका उम्मेदवारको टुंगो लगाएको छ।

पार्टी कार्यालय सानेपामा बसेको पार्टी पदाधिकारी र पूर्वपदाधिकारीको बैठकले नेपालगन्जको मेयरमा डा। सुरेशकुमार कनोडियालाई उम्मेदवार बनाउने निर्णय गरेको हो। नेपालगन्जको उपमेयरमा उमा थापा मगरलाई उम्मेदवार बनाउने निर्णय गरेको छ।

त्यस्तै बैठकले कोहलपुर नगरपालिकाको मेयरमा भानुभक्त भट्टराई र उपमेयरमा सञ्जुकुमारी चौधरीलाई उम्मेदवार बनाउने निर्णय गरेको छ। योसँगै कांग्रेसले बाँकेका सबै स्थानीय तहमा पार्टीका उम्मेद्वारको टुंगो लगाएको छ।

थाहा अनलाइन

यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।