जापानले बनायो ५ मिनेटमै कोरोना संक्रमण भए-नभएको जाँच्ने प्रविधि

एजेन्सी। जापानले ५ मिनेटमा नै कोरोना संक्रमण भए-नभएको बारेमा थाहा पाउने प्रविधि पत्ता लगाएको जनाएको छ। जापानको रिकेन रिसर्च इन्स्टिच्युट र युनिभर्सिटी अफ टोकियोले गरेको अनुसन्धानबाट सो प्रविधि पत्ता लगाइएको बताइएको हो।

हाल जापानमा पनि पिसिआर टेस्ट नै प्रचलनमा छ। तर, पनि यो प्रविधिबाट हाल कोभिड-१९ को भाइरस पत्ता लगाउनका लागि कम्तीमा पनि एक घन्टा समय लाग्ने गरेको छ। अब भने कुनै पनि व्यक्तिको स्याम्पल लिएको ५ मिनेट भित्रैमा उसको शरीरमा कोभिड-१९ पोजेटिभ भए-नभएको पत्ता लाग्ने छ।

यो प्रविधिले अब कोरोनाको संक्रमणको परीक्षण गर्न र समयमै यो पत्ता लगाउनका लागि ठूलो सहयोग पुग्ने कुरा विज्ञहरुले जनाएका जापानको राष्ट्रिय टेलिभिजन संस्था एनएचकेले जनाएको छ।

उक्त इन्स्टिच्युटका एकजना वैज्ञानिक रिकेन वातानावेले यो प्रविधिबाट परीक्षण गर्नका लागि कुनै पनि जटिल प्रक्रिया नभएको र सामान्य रुपमा र थोरै उपकरणको सहायताबाट नै पत्ता लाग्ने जानकारी दिए।