सरकारको इशारामा प्रहरीले ज्यान लिन खोज्यो – सिलवाल



सैघाली खबर,
काठमाडौँ –११ माघ। नेपाल प्रहरीका पूर्व डिआइजी तथा नेकपा एमालेका सांसद नवराज सिलवालले सरकारको इशारामा प्रहरी प्रशासनले पटक पटक आफ्नो जिउज्यानमाथि धावा बोल्न खोजेको आरोप लगाएका छन्।

बुधबार प्रेस विज्ञप्ती जारी गर्दै उनले अहिलेको कामचलाउ सरकारको इशारामा प्रहरीले आफ्नो ज्यानमाथि पटक पटक धावा बोलको आरोप लगाएका हुन्।

विज्ञप्तीमा उनले भनेका छन्, ‘केही समययता म र ममात्र संलग्न छु जस्तो अर्थ लाग्ने गरी प्रायोजित प्रकृतिको प्रचार जसरी भइरहेको छ, त्यो नियोजित, बद्नियतपूर्ण र मेरो सार्वजनिक जीवनलाई समाप्त गर्ने दुराशयवस गराइएको तथ्य छर्लङ्गै छ ।

किनभने नेपाल प्रहरीको कर्मचारी प्रशासनसम्बद्ध गोप्य दस्तावेजहरूमा मेरो पहुँच पुग्ने र त्यसलाई मैले सच्याउने सम्भावना एउटा काल्पनिक कथ्य मात्र हो । त्यसमाथि यसअघिको प्रहरी नेतृत्व शुरुदेखि नै मलाई प्रहरी महानिरीक्षक हुन नदिने प्रपञ्चका साथ योजनाबद्ध ढंगले क्रियाशील रहेको यथार्थ अब आम जानकारीको विषय भइसकेको छ ।

साथै उनले प्रधानमन्त्री शेरबहादुर देउवाले आफूविरुद्ध विभिन्न प्रपञ्च तथा तिकडम गरी आफ्नो करिएरलाई समाप्त पार्न खोजेको गरेको आरोप लगाएका छन् । ‘यस्तो कीर्ते र जालसाजी गरी मेरा विरुद्ध संलग्न गृहमन्त्रालय र प्रहरी संगठनका सबैलाई वर्तमान सरकार र खासगरी प्रधानमन्त्री शेरबहादुर देउवाले अनेकौँ प्रपञ्च र तिकडम गरेर पुरस्कृत गरेको फेहरिस्तले पनि यस्तो गैरकानुनी कार्यमा को को संलग्न थिए भन्ने अनुमान लगाउन गाह्रो छैन् ।

प्रहरी महानिरीक्षक नियुक्ति प्रकरणमा गरेको अनावश्यक अस्वस्थ चलखेलकै कारण वर्तमान सरकार बदनाम भएको र चुनाव हार्नुको एउटा मुख्य कारण यही भएकोले प्रतिसोधवस ममाथि आक्रमण भएको अनुभव पनि मलाई भएको छ ।

आइजिपी नियुक्ति प्रकरणका दोषीहरूलाई कारवाही गर्नुपर्ने माग गर्दै उनले भनेका छन्, ‘महानिरीक्षक नियुक्ति प्रकरणका सबै आयाममा निश्पक्ष निकायबाट छानबिन हुनु र दोषीमाथि कारवाही हुनु आवश्यक छ।

जुन मान्छे यो सम्पूर्ण घटनाक्रममा मेरो विपक्षी रहेको छ उसैले अनुसन्धान गर्ने र यसमा संलग्नहरूलाई निर्दोष सावित गरी मलाई प्रहार गर्ने जुन खेल भैरहेको छ त्यसको अन्त्य हुुनुपर्दछ र निस्पक्ष निकायबाट भोलि हुने अनुसन्धानलाई एटाटा निस्कर्षमा पु¥याउन सबै प्रकारले सहयोग गर्न म तयार छु।’nagariknews

 

TopLine
थाहा अनलाइन

यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।

प्रतिक्रिया दिनुहोस्