मुम्बई । बलिउडकी चर्चित गायिका नीति मोहन आमा बनेकी छन् । उनले बुधवार छोरोलाई जन्म दिएकी छन् । जसको जानकारी उनका पति अभिनेता निहार पाण्डेले सामाजिक सञ्जाल मार्फत गराएका छन् ।
पाण्डेले आमा र बच्चा दुवै सुरक्षित रहेको समेत बताएका छन् । नीति मोहनले यस वर्षको फेब्रुअरीमा विवाह दोस्रो एनिभर्सरी पारेर आमा बन्न लागेको खुसी सबै माझ शेयर गरेकी थिइन् ।
नीति मोहन र अभिनेता निहार पाण्डेले २०१९ मा विवाह गरेका थिए । नीति मोहनले ‘इश्क वाला लव’, ‘जिया रे’, ‘नजर लायना’, ‘हर किसिको नही मिलता’, ‘खिच मेरी फोटो’ लगायत थुप्रै हिट गीत दिएकी छन् ।
थाहा अनलाइन
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
