घोराही । कोरोना सङ्क्रमणका कारण सरकारले गरेको निशेषधाज्ञाको अवधिमा दाङमा ७ वटा लैङ्गिक हिंसाका घटना घटेका छन् । महिला पुनः स्थापना केन्द्र नेपाल शाखा दाङका अनुसार निषेधाज्ञाको करिब डेढ महिनाको अवधिमा ७ लैङ्गिक हिंसाका घटना घटेका हुन् ।
जिल्लामा सबै भन्दा धेरै तुलसीपुरका घटना दर्ता भएका छन् । जसमा तुलसीपुरका ४, शान्तिनगरका २ र सल्यानका एउटा रहेका छन् । जसमा एउटा बहुविवाह, कुटपिट ,गालिगलोज र शङ्काका २/२ वटा घटना घटेका छन् ।
ओरेक नेपाल शाखा दाङकी संयोजक ईश्वरी थापाले निशेषधाज्ञाको अवधिमा महिला र बालबालिकामाथि लैङ्गिक तथा यौन हिंसा भए पनि घटनालाई लुकाउनका लागि अनेक बहाना देखाउँदा न्याय प्राप्तिमा समस्या देखिएको बताउनुभयो ।
साथै केन्द्रले लकडाउनको अवधिमा मनोपरामर्श सेवा दिदै आएको छ । जसमा अहिले सम्म ४१ महिला र १८ पुरुष गरि ५९ जनाले सेवा लिई सकेका छन् । त्यस्तै लकडाउनको अवधिमा पनि २ वटा घटनाको न्यायिक समितिले सहजीकरण गरिसकेको संयोजक थापाले जानकारी दिनुभयो।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
