एक हप्ता नबित्दै रौतहटको देवाही गोनाही नगरपालिकामा दोस्रो दलित महिला ब’लात्कारको सिकार भएकी छन् । रौतहटको देवाही गोनाही नगरपालिकामा एक हप्ताभित्रै दलित महिलामाथि भएको यो दोस्रो बलात्कारको घटना हो । प्रहरीका अनुसार देवाही गोनाही–१ का ४० वर्षीय राकेश राउत कुर्मीले गए राति सोही वडाकी ३० वर्षीय पासवान थरकी विवाहित महिलालाई जबरजस्ती करणी गरेका हुन् ।
राति करिब १२ बजेको समयमा कुर्मी ती महिलाको घरभित्र प्रवेश गरी ज्यान मार्ने धम्की दिएर जबरजस्ती करणी गरेको इलाका प्रहरी कार्यालय देवाही गोनाहीका प्रहरी प्रमुख राजन लम्सालले बताएका हुन् ।
महिलालाई करणी गरेकै बेला महिलाले गुहार र हल्ला गरेपछि राकेश राउत कुर्मी फरार भएको प्रहरीको भनाइ छ । पीडित महिलाको जिल्ला अस्पताल गौरमा स्वास्थ्य परीक्षण भइसकेको तथा आ’रोपित कुर्मीको खोजी भइरहेको प्रहरी निरीक्षक लम्सालले जानकारी दिए ।
केहीदिन अघिमात्र यहीँ देवाही गोनाही नगरपालिका–७ उचिडिह टोलका ५० वर्षीय नागेश्वर कुश्वाहा करणी आ’रोपमा प’क्राउ परेका थिए । आफ्नै गाउँकी एक जना विवाहित दलित जबरजस्ती करणी गरेको आ’रोपमा प’क्राउ परेका उनीमाथि मुद्दा दर्ता गरेर कारबाही प्रक्रिया अघि बढाइएको इलाका प्रहरी कार्यालय गरुडाका प्रमुख एवं डिएसपी श्रीराम भण्डारीले बताए ।