राष्ट्रिय परीक्षा बोर्डले कक्षा १२ को परीक्षा भौतिक उपस्थितिमै गर्ने तयारी थालेको छ । कोभिड सङ्कट व्यवस्थापन केन्द्र सीसीएमसीले सामाजिक मापदण्ड पालना गर्दै परीक्षा सञ्चालन गर्न अनुमति दिएपछि राष्ट्रिय परीक्षा बोर्डले परीक्षा सञ्चालन गर्न लागेको हो ।
बोर्डले विगतको जस्तै १०० पूर्णाङ्कको लिखित परीक्षा लिइने जनाइएको छ । बोर्ड अध्यक्ष प्रा.डा. चन्द्रमणि पौडेलले साउनको अन्तिमबाट परीक्षा लिइने जनाए ।
केही दिनमै बोर्डको बैठक बसेर परीक्षाको कार्यपालिका सार्वजनिक गर्ने जनाइएको छ । कोरोना सङ्क्रमण बढेपछि गत जेठ २६ गतेबाट सुरु गर्ने योजना रहेको कक्षा १२ को अन्तिम परीक्षा सरकारले रोक्ने निर्णय गरेको थियो ।
कोरोना सङ्क्रमणको जोखिमलाई मध्यनजर गर्दै यसअघि अनलाइन विधिबाट परीक्षा लिने चर्चा चले पनि सङ्क्रमण दर कम भएकाले भौतिक उपस्थितिमै परीक्षा लिन लागिएको हो ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
