दुई दिनमा सुनको मूल्य तोलामा १४ सयले घट्यो

काठमाडौँ । सुनको मूल्य दुई दिनमै तोलामा १४ सय रुपैयाँले घटेको छ । गत बुधवार तोलामा ७०० रुपैयाँले घटेर ९२ हजार ५०० रुपैयाँ कायम भएको सुनको मूल्य बिहीबार थप पुनः ७०० रुपैयाँले नै घट्दै ९१ हजार ८०० रुपैयाँमा कारोबार भइरहेको छ ।

नेपाल सुनचाँदी व्यवसायी महासङ्घका अनुसार आज छापावाला सुन प्रतितोला ९१ हजार ८०० रुपैयाँ कायम भएको छ भने तेजाबी सुनको मूल्य ९१ हजार ३०० रुपैयाँ कायम भएको छ । त्यस्तै बिहीबार चाँदीको मूल्य प्रतितोला १० रुपैयाँले वृद्धि हुँदै एक हजार २७० रुपैयाँमा कारोबार भइरहेको महासङ्घले जनाएको छ ।