काठमाडौं । निर्वाचन आयोगले जनता समाजवादी पार्टी (जसपा) को उपेन्द्र यादव पक्षलाई आधिकारिकता दिएको छ। सोमबार निर्वाचन आयोगको इजलासले जसपाका अध्यक्ष महन्थ ठाकुर र अर्का अध्यक्ष उपेन्द्र यादव पक्षका कार्यकारिणी सदस्यलाई आयोगमा बोलाएर सनाखत गराउँदा यादव पक्षमा बहुमत देखिएकाले उनैलाई आधिकारिकता दिएको हो ।
जसपाको ५१ सदस्यीय कार्यकारिणी सदस्यमध्ये ३४ सदस्यले अध्यक्ष यादवको पक्षमा हस्ताक्षर गरेका छन्। पार्टीका अर्का अध्यक्ष महन्थ ठाकुरका पक्षमा १६ सदस्यले हस्ताक्षर गरेका छन्। हाल जेल सजाय भोगिरहेका जसपाका सांसद रेशम चौधरी निर्वाचन आयोग परिसर पुगे पनि तटस्थ बसेका छन्।
अब योसँगै ठाकुर पक्ष कता जान्छ यो रोचक विषय बनेको छ । केपी ओलीको नेतृत्व सरकारमा सहभागी हुँदा पार्टीबाट समेत आधिकारिकता गुमाएपछि एमालेकै सङ्घारमा पुगेको छ जसपा अब कता महन्थका १६ जना ?
आयोगले जसपाको आधिकारिकता विवाद टुङ्गो लगाए पनि महन्थ ठाकुर पक्षका सांसदहरूको पद खारेज हुने नहुनेबारे भने केही बोलेको छैन । यो विषय सम्बन्धित राजनीतिक दल र संसद् सचिवालयको क्षेत्राधिकारमा पर्ने भएकाले यसबारे आयोग मौन बसेको हो ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
