काठमाडौँ । छिमेकी राष्ट्र चीनको एनआरएनए मा अन्तिम समय सम्म पनि सहमति हुन नसक्दा एनआरएनए चीन निर्वाचन प्रक्रियामा गइसकेको छ । गुल्मी जिल्ला निवासी यम बहादुर क्षेत्री (ओम) ले अध्यक्ष पदमा उम्मेदवारी दिएका छन् । उनी दसकौँ देखि चीनको प्रमुख व्यापारिक सहर गोन्जाउमा व्यापार गरेर बसेका एक कुशल व्यवसायी हुन साथै एनआरएनए चीनको विभिन्न समयमा कार्यसमितिमा सदस्य, कोषाध्यक्ष, महासचिव समेत भएर काम गरिसकेका उनिमा अनुभव पूर्णरूपमा रहेकाले तत्काल भइरहेको निर्वाचनमा विजयी भए राम्रो सँग कार्यभार सम्हाल्न सक्ने र एनआरएनए चीन लाई एक ढिक्का भएर अगाडि बढाउन सक्ने क्षमता देखिन्छ ।
यम बहादुर क्षेत्री (ओम) को नेतृत्वमा उहाँको टिमले पुरै टिमलाई विजयी बनाउन दिनरात खटेका छन् । उहाँको टिमलाई विजयी बनाउन उपाध्यक्ष पदमा (निवर्तमान कार्यसमिति सचिव) समेत रहेका मुकेश श्रेष्ठ ले उम्मेदवारी दिएका छन् । त्यस्तै महासचिवमा (निवर्तमान सदस्य) समेत रहेका विजय कुमार श्रेष्ठ आफ्नो अनुभवले प्यानल लाई सघाई रहेका छन् ।
सचिव पदको दुई जनाको छनौटका लागि निर्वाचनमा यम बहादुर क्षेत्री (ओम) को नेतृत्वमा विष्णु हरी भण्डारी र मुकुन्द ढकाल रहेका छन् । त्यस्तै सह-कोषाध्यक्षमा(निवर्तमान कार्यसमिति युवा संयोजक) सुरज न्यौपाने रहेका छन् । त्यस्तै कपिलवस्तु जिल्लाको युवा, इमानदार, कर्मठ, जुझारु तथा सहयोगी भावनाका धनी व्यक्तित्व (निवर्तमान एनआरएनए चीन कार्यसमिति सदस्य) समेत रहनु भएका मिर्जा राशिद बेग जो दशकों देखि चीनमा बसोबास गर्दै गैर आवसिय नेपालीको पक्षमा सदैव काम गरेका उनि भने अहिलेको निर्वाचनमा युवा संयोजक पदमा उम्मेदवारी दिँदै कडा प्रतिस्पर्धामा रहेका छन्।
त्यस्तै एनआरएनए चीनमा यम बहादुर क्षेत्री (ओम) को प्यानल बाट नवीन किशोर दाहाल, नवराज तिम्सिना, तुलसी न्यौपाने, प्रदीप नेपाल, सन्तोष भट्टराई, प्रदीप सिंह सदस्य पदको प्रतिस्पर्धामा आउने भएका छन् । एनआरएनए चीनमा यम बहादुर क्षेत्री (ओम) को प्यानल बाटै महिला उपाध्यक्षमा सबिता बर्तौला, कोषाध्यक्षमा बलराम तामाङ, महिला संयोजकमा पुन्यवति सुवेदी कोइराला निर्विरोध निर्वाचित भइसकेको जानकारी निवर्तमान कार्यसमितिका एक जना सदस्यले जानकारी दिनुभयो ।