दार्चुला घटनाको छानबिन गर्न कांग्रेसको माग



काठमाडौं। नेपाली कांग्रेसले दार्चुलामा भारतीय एसएसबीले तुइन काटिदिएका कारण नदी पार गर्ने नेपाली युवा हराइरहेको घटनाको छानबिन गर्न माग गरेको छ। प्रवक्ता विश्वप्रकाश शर्माले विज्ञप्ति जारी गरेर घटनाको छानबिन गर्न तथा भारतीय पक्षसँग सम्वाद गर्न सरकारसँग माग गरेको हो।

एसएसबीले तुइन काटिदिँदा व्यास गाउँपालिकाका जयसिंह धामी महाकाली नदीमा बेपत्ता छन्। पीडित नागरिकलाई न्याय दिलाउन तथा राहतको व्यवस्था गर्न पनि कांग्रेसले माग गरेको छ।

कांग्रेसले उक्त घटनाबारे आफ्नो स्थानीय नेतृत्वमार्फत पनि विवरण संकलन गरेको जनाएको छ। स्थानीय नेतृत्वले एसएसबीले तुइन काटिदिएका कारण नै नेपाली युवा धामी नदीमा हराइको जानकारी दिएको विज्ञप्तिमा उल्लेख छ।

TopLine
थाहा अनलाइन

यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।

प्रतिक्रिया दिनुहोस्