दार्चुलाको महाकाली नदीमा जयसिंह धामी बेपत्ता भएको घ’ट’नालाई लिएर अखिल क्रान्तिकारीले काठमाडौँस्थित भारतीय राजदूतावासको कार्यालय अगाडि प्रदर्शन गरेको छ । सोमबार सो सङ्गठनले भारतीय ज्यादती बढेको भन्दै त्यसको विरोधमा दूतावास अगाडि प्रदर्शन गरेको हो ।
भारतीय सीमा हुँदै नेपाल प्रवेश गर्ने क्रममा दार्चुलाका जयसिंह धामी चढेको तुइन भारतीय सीमा सुरक्षा बल (एसएसबी)ले काटिदिएपछि धामी महाकालीमा बेपत्ता भएका थिए ।
आज सोमबार अखिल क्रान्तिकारीले भारतीय दूतावासअगाडि प्रदर्शन गर्ने भएको हो । गृह मन्त्रालयले गठन गरेको केन्द्रीय अनुसन्धान टोली पनि घटनाको अनुसन्धानका लागि सोमबारै दार्चुला जाने भएको छ । महाकाली तुइन प्रकरणको सत्य तथ्य पत्ता लगाएर १० दिनभित्र प्रतिवेदन पेस गर्न भन्दै गृह मन्त्रालयका सहसचिव जनार्दन गौतमको नेतृत्वमा ५ सदस्यीय अनुसन्धान टोली गठन गरिएको थियो । उक्त टोली पनि आजै दार्चुला पुगेर घटनाबारे खोजिन गर्ने छन् ।