सैघाली खबर
दाङ,२ फागुन
प्रदेश नम्बर ५ को मुख्यमन्त्रीको रुपमा शंकर पोखेरललाई बुधबार नियुक्त गर्ने तयारी छ ।प्रदेश प्रमुख उमाकान्त झाले संविधानको धारा १६८ को उपधधारा २ बमोजिम वाम गठबन्धनबाट प्रास्ताव गरिएका एमाले संसदीय दलका नेता शंकर पोखरेललाई मुख्यमन्त्रीमा नियुक्त गर्ने जानकारी दिए ।
‘बुधवार प्रदेश प्रमुखले मुख्यमन्त्री नियुक्त गर्ने तयारी गर्नु भएको छ’ प्रदेश प्रमुखको कार्यालयका सचिव सनदकुमार दवाडीले भने ‘बिहीबार दिउँसो ३ बजे शपथको कार्यक्रम तय भएको छ ।’मुख्यमन्त्रीको शपथका लागि नेपाली सेनाले प्रदेश प्रमुखको निवास रहेको सडक डिभिजन अतिथि निवास नजिकै कम्पाउण्डमा व्यवस्था गरिरहेको छ ।मुख्यमन्त्रीको शपथकै दिन अरु दुई मन्त्रीले पनि शपथ लिनेछन् । एमाले र माओवादी केन्द्रवाट १–१ जनाले शपथ लिने टुंगो लागेको छ ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
